O pintor pontevedrés, Manuel Ruibal, presenta un libro no que plasma unha selección da súa obra faunística, que inclúe de baleas a hienas, galos, patos e serpentes en formatos desde a pintura ao debuxo ou escultura, a maioría inéditas. Editáronse 500 exemplares da obra e 100 deles inclúen serigrafías numeradas e asinadas polo autor.

Ruibal é un pintor e poeta da pintura que sempre se nutriu da experiencia sensorial da natureza, día a día. E neste libro vólcase tanto que o resultado é abrumador; máis que fauna, o que Ruibal pintou é toda unha Historia Natural e o extraordinario libro que agora nos ofrece ben podería chamarse, á maneira antiga, De Naura. Ábrese o libro e iníciase un percorrido. O meditado vértido da man do pintor levaranos ata os peixes en alta mar, ata as serpentes e as garcetas. Cando a obra se pecha, péchase un libro de arte que é arte de maxia.

As edicións do libro están moi coidadas, realizadas por Gráficas Anduriña, e ofrecen incluso un despregable que contén unhas 170 imaxes de toda a súa obra tanto en debuxo como en pintura e escultura. Recóllense recreacións de galiñas, gatos, xirafas, peixes e serpentes.

O artista destaca que á fauna está dedicada a súa última etapa creativa.